FSSAI Action: Amazon, Zepto and 3 Other Platforms Flagged for Non-Compliance/Amazon, Zepto ଓ Swiggy କୁ FSSAI ର ନୋଟିସ୍: ବିଷାକ୍ତ ଧତୁରା ସହ ଏହି ସାମଗ୍ରୀ ବିକ୍ରିକୁ ନେଇ ବଢ଼ିଲା ଅସନ୍ତୋଷ..

ଅନଲାଇନ୍‌ରେ ସାମଗ୍ରୀ କିଣୁଥିବା ଗ୍ରାହକଙ୍କ ସୁରକ୍ଷାକୁ ନେଇ ଏବେ ଦେଶର ଖାଦ୍ୟ ସୁରକ୍ଷା ନିୟାମକ ‘FSSAI’ (Food Safety and Standards Authority of India) ଆକ୍ସନ୍ ମୋଡ୍‌କୁ ଆସିଛି। ଖାଦ୍ୟ ଦ୍ରବ୍ୟର ମିଥ୍ୟା ବିଜ୍ଞାପନ, ଭ୍ରମାତ୍ମକ ତଥ୍ୟ ଦେବା ଏବଂ ବିଷାକ୍ତ ସାମଗ୍ରୀ ବିକ୍ରି କରିବା ଅଭିଯୋଗରେ FSSAI ଦେଶର ୫ଟି ପ୍ରମୁଖ ଇ-କମର୍ସ ଓ କ୍ବିକ୍-କମର୍ସ ପ୍ଲାଟଫର୍ମ ବିରୋଧରେ ନୋଟିସ୍ ଜାରି କରି କଠୋର ଆଇନଗତ କାର୍ଯ୍ୟାନୁଷ୍ଠାନ ଆରମ୍ଭ କରିଛି।

୧. ହାପିଲୋ ଡେଟ୍ସ (Happilo Date Bites):

‘Happilo Premium Date Bites – Zesty Orange’ ନାମକ ପ୍ରୋଡକ୍ଟରେ ସ୍ବାସ୍ଥ୍ୟଗତ କୋଣରୁ ଭ୍ରମାତ୍ମକ ଓ ମିଥ୍ୟା ଦାବି କରି ଗ୍ରାହକଙ୍କୁ ବିଭ୍ରାନ୍ତ କରାଯାଉଥିବା ନଜରକୁ ଆସିଛି। ଏହି ମାମଲାରେ FSSAI ସମସ୍ତ ୫ଟି ପ୍ଲାଟଫର୍ମ (Amazon, Zepto, Swiggy Instamart, BigBasket, Flipkart) ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି।

୨. ମିଲ୍କି ମିଷ୍ଟର କ୍ଷୀର ଜାତୀୟ ଦ୍ରବ୍ୟ (Milky Mist Dairy Products):

ମିଲ୍କି ମିଷ୍ଟ କମ୍ପାନୀର ‘ଲୋ ଫ୍ୟାଟ୍ କ୍ରିମ୍’, ‘ଫାର୍ମ ଫ୍ରେଶ୍ ଦହି’ ଏବଂ ‘ଗ୍ରୀକ୍ ଦହି’ରେ ପ୍ରୋଡକ୍ଟ ସମ୍ପର୍କିତ ସଠିକ୍ ତଥ୍ୟ ନଦେଇ ମିଥ୍ୟା ପ୍ରଚାର କରାଯାଉଥିଲା। ଏହି ଅଭିଯୋଗରେ Swiggy Instamart ଏବଂ BigBasket ବିରୋଧରେ ମାମଲା ରୁଜୁ ହୋଇଛି।

୩. ବିଷାକ୍ତ ‘ଖଜୁରୀ/ଧତୁରା’ ମଞ୍ଜି ବିକ୍ରି (Datura Seeds):

ସବୁଠାରୁ ଗମ୍ଭୀର କଥା ହେଉଛି, ଖାଦ୍ୟ ସୁରକ୍ଷା ଆଇନ (2006) ଅନୁସାରେ ନିଷିଦ୍ଧ ଓ ବିଷାକ୍ତ କୁହାଯାଉଥିବା ‘ଧତୁରା’ (Datura) ଫଳ ଓ ମଞ୍ଜିକୁ ଅନଲାଇନ୍‌ରେ ବିକ୍ରି ପାଇଁ ତାଲିକାଭୁକ୍ତ କରାଯାଇଥିଲା। ଏହି ସାଂଘାତିକ ବେନିୟମ କାମ ପାଇଁ Amazon, Swiggy Instamart, ଏବଂ BigBasket ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।

ଖାଦ୍ୟ ପ୍ୟାକେଟ୍‌ରେ ଭୁଲ୍ ତଥ୍ୟ ଲେଖି ଗ୍ରାହକଙ୍କୁ ବିଭ୍ରାନ୍ତ କରିବା ଏକ ବଡ଼ ଅପରାଧ। FSSAI ସ୍ପଷ୍ଟ କରିଛି ଯେ, ଅନଲାଇନ୍‌ରେ ବିକ୍ରି ହେଉଥିବା ପ୍ରତିଟି ଖାଦ୍ୟ ସାମଗ୍ରୀର ସତ୍ୟତା, ଉପାଦାନ ଏବଂ ସୁରକ୍ଷା ଯାଞ୍ଚ କରିବା ଏହି ଆପ୍‌ଗୁଡ଼ିକର ଦାୟିତ୍ବ। ଆଗାମୀ ଦିନରେ ଏହିପରି ଭ୍ରମାତ୍ମକ ବିଜ୍ଞାପନ ଉପରେ କଡ଼ା ନଜର ରଖାଯିବ ବୋଲି ନିୟାମକ ଚେତାବନୀ ଦେଇଛି।