ବାତ୍ୟା ‘ଅର୍ଣ୍ଣବ’ ପ୍ରଭାବିତ ଅଞ୍ଚଳରେ ସ୍କାଉଟ୍ ଓ ଗାଇଡ୍ର ସେବା କାର୍ଯ୍ୟ ଜାରି
ଭୁବନେଶ୍ୱର: ପ୍ରଳୟକାରୀ ବାତ୍ୟା ‘ଅର୍ଣ୍ଣବ’ ଏବଂ ବନ୍ୟାରେ କ୍ଷତିଗ୍ରସ୍ତ ହୋଇଥିବା ଲୋକଙ୍କ ପାଇଁ ଓଡ଼ିଶା ରାଜ୍ୟ ଭାରତ ସ୍କାଉଟ୍ ଓ ଗାଇଡ୍ ପକ୍ଷରୁ ସେବା କାର୍ଯ୍ୟ ଜାରି ରହିଛି। ରାଜ୍ୟ ମୁଖ୍ୟ କମିଶନର ଡ. କାଳିପ୍ରସାଦ ମିଶ୍ରଙ୍କ ନିର୍ଦ୍ଦେଶକ୍ରମେ ବିଭିନ୍ନ ଜିଲ୍ଲାରେ ଏହି ରିଲିଫ୍ ଓ ପୁନରୁଦ୍ଧାର କାମ କରାଯାଉଛି।
ବିଶେଷକରି ଗଞ୍ଜାମ, ଗଜପତି ଓ କନ୍ଧମାଳ ଜିଲ୍ଲାରେ ସ୍କାଉଟ୍ ଓ ଗାଇଡ୍ କର୍ମୀମାନେ ବାତ୍ୟା ଆଶ୍ରୟସ୍ଥଳୀରେ ରହିଥିବା ଅସହାୟ ଓ କ୍ଷୁଧାର୍ତ୍ତ ଲୋକଙ୍କୁ ରନ୍ଧା ଖାଦ୍ୟ ଓ ଶୁଖିଲା ଖାଦ୍ୟ ବାଣ୍ଟିଛନ୍ତି। ଏହାସହ ବାତ୍ୟା ଯୋଗୁଁ ରାସ୍ତାରେ ପଡ଼ିଥିବା ଗଛ ଡାଳ ଓ ଭଙ୍ଗା ବିଦ୍ୟୁତ୍ ଖୁଣ୍ଟଗୁଡ଼ିକୁ ହଟାଇ ରାସ୍ତା ପରିଷ୍କାର କାର୍ଯ୍ୟରେ ପ୍ରଶାସନକୁ ସହଯୋଗ କରିଛନ୍ତି।
ଭୁବନେଶ୍ୱରସ୍ଥିତ ରାଜ୍ୟ ମୁଖ୍ୟାଳୟରୁ ଶ୍ରୀଯୁକ୍ତ ତ୍ରିଲୋଚନ ମାଝୀ ଏବଂ ଆଇଏଏସ୍ ଓ୍ୱାଇଏସ୍ଓ ପତାକା ଦେଖାଇ ଏହି ସେବା ଦଳକୁ ବିଧିବଦ୍ଧ ଭାବେ କାର୍ଯ୍ୟକୁ ପଠାଇଥିଲେ। ବାତ୍ୟା ପ୍ରଭାବିତ ସମସ୍ତ ଜିଲ୍ଲାରେ ସ୍କାଉଟ୍ ଓ ଗାଇଡ୍ମାନେ ନିରବଚ୍ଛିନ୍ନ ଭାବେ ଏଭଳି ଜନସେବା ଜାରି ରଖିଛନ୍ତି।
