Zomato ର ନୂଆ ନିୟମ: ‘କ୍ୟାଶ୍ ଅନ୍ ଡେଲିଭରୀ’ କଲେ ଗଣିବାକୁ ପଡ଼ିବ ଅଧିକ ଟଙ୍କା, ସୋସିଆଲ ମିଡିଆରେ ଅସନ୍ତୋଷ
ଅନଲାଇନ୍ରେ ଖାଦ୍ୟ ମଗାଉଥିବା ଗ୍ରାହକଙ୍କ ପାଇଁ ଏକ ବଡ଼ ଖବର। ପ୍ରସିଦ୍ଧ ଫୁଡ୍ ଡେଲିଭରୀ ଆପ୍ Zomato ଏବେ ନିଜ ନୀତିରେ ପରିବର୍ତ୍ତନ କରି ‘କ୍ୟାଶ୍ ଅନ୍ ଡେଲିଭରୀ’ (COD) ବା ହାତପାଣ୍ଠି ପେମେଣ୍ଟ ଉପରେ ଅଲଗା ଶୁଳ୍କ ଲଗାଇବା ଆରମ୍ଭ କରିଛି। ଯଦି ଆପଣ ଖାଦ୍ୟ ପହଞ୍ଚିବା ପରେ ନଗଦ ଟଙ୍କା ଦେବାକୁ ଚାହୁଁଛନ୍ତି, ତେବେ ବିଲ୍ରେ ‘Pay on Delivery Fee’ ନାମରେ ଅତିରିକ୍ତ charge ଯୋଡ଼ାଯାଉଛି।
ଗ୍ରାହକଙ୍କୁ କେତେ ଅଧିକ ଦେବାକୁ ପଡ଼ିବ?
ଖବର ଅନୁସାରେ, ଏହି ନୂଆ ଚାର୍ଜ ନିର୍ଦ୍ଦିଷ୍ଟ ନୁହେଁ। ଅଲଗା ଅଲଗା ଅର୍ଡର ଏବଂ ଲୋକେସନ୍ ହିସାବରେ ଏହା ₹୫ ରୁ ଆରମ୍ଭ କରି ₹୨୦ ବା ₹୨୧ ପର୍ଯ୍ୟନ୍ତ ଯୋଡ଼ାଯାଉଛି। ଏହି ଶୁଳ୍କ Zomato ର ପୁରୁଣା ପ୍ଲାଟଫର୍ମ ଫି, ପ୍ୟାକେଜିଂ ଚାର୍ଜ ଏବଂ GST ଠାରୁ ସମ୍ପୂର୍ଣ୍ଣ ଅଲଗା। ତେବେ ଯେଉଁ ଗ୍ରାହକମାନେ UPI, କାର୍ଡ କିମ୍ବା ଅନ୍ୟ ଅନଲାଇନ୍ ମାଧ୍ୟମରେ ପୂର୍ବରୁ ପେମେଣ୍ଟ କରୁଛନ୍ତି, ସେମାନଙ୍କୁ ଏହି ଅତିରିକ୍ତ ଦେୟ ଦେବାକୁ ପଡ଼ିବ ନାହିଁ।
ଲୋକଙ୍କ ପ୍ରତିକ୍ରିୟା ଏବଂ ଅସନ୍ତୋଷ:
ଏହି ନୂଆ ଚାର୍ଜ ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଗ୍ରାହକମାନେ ନିଜର ଅସନ୍ତୋଷ ପ୍ରକାଶ କରିଛନ୍ତି। ଅନେକ ବ୍ୟବହାରକାରୀ କହିଛନ୍ତି ଯେ କମ୍ପାନୀ ବିଭିନ୍ନ ବାହାନାରେ ଛୋଟ ଛୋଟ ଚାର୍ଜ ଯୋଡ଼ି ବିଲ୍କୁ ଅଧିକ ମହଙ୍ଗା କରିଦେଉଛି।
କାହିଁକି ଏହି ନିଷ୍ପତ୍ତି?
କମ୍ପାନୀ ପକ୍ଷରୁ ସ୍ପଷ୍ଟ ସୂଚନା ନଥିଲେ ବି ବିଶେଷଜ୍ଞଙ୍କ ମତରେ, କ୍ୟାଶ୍ ଡେଲିଭରୀରେ ନଗଦ ଟଙ୍କା ସମ୍ଭାଳିବା, ଡେଲିଭରୀ ବୟଙ୍କ ପାଖରେ ଖୁଚୁରା ସମସ୍ୟା ଏବଂ ଅର୍ଡର କ୍ୟାନ୍ସଲ୍ ହେବାର ଆଶଙ୍କା ଅଧିକ ଥାଏ। ତେଣୁ ଡିଜିଟାଲ୍ ପେମେଣ୍ଟକୁ ପ୍ରୋତ୍ସାହିତ କରିବା ଏବଂ କମ୍ପାନୀର ଆୟ ବୃଦ୍ଧି ପାଇଁ Zomato ଏହି କଦମ ଉଠାଇଛି।
