ଜୁନିୟର ଏସିଆ କପ୍ ହକି: ଚୀନ୍କୁ ହରାଇ ଚାମ୍ପିୟନ ହେଲା ଭାରତ; ହକି ଇଣ୍ଡିଆ ଘୋଷଣା କଲା ନଗଦ ପୁରସ୍କାର
ଚୀନ୍କୁ ତା’ରି ମାଟିରେ ଧୂଳି ଚଟାଇ ଭାରତୀୟ ଜୁନିୟର ମହିଳା ହକି ଟିମ୍ ପୁଣି ଥରେ ଇତିହାସ ରଚିଛି। ହୁଲୁନବୁଇରଠାରେ ଖେଳାଯାଇଥିବା ରୋମାଞ୍ଚକର ଫାଇନାଲ୍ ମ୍ୟାଚ୍ରେ ଚୀନ୍କୁ ୧-୦ ଗୋଲ୍ରେ ପରାସ୍ତ କରି ଭାରତ ‘ଜୁନିୟର ମହିଳା ଏସିଆ କପ୍’ ଟାଇଟଲ୍ ନିଜ ନାମରେ କରିଛି। ଏହି ଜବରଦସ୍ତ ବିଜୟ ସହ ଭାରତୀୟ ଟିମ୍ ଏସିଆ କପ୍ରେ ଲଗାତାର ତୃତୀୟ ଥର ପାଇଁ ଚାମ୍ପିୟନ ହୋଇ ହାଟ୍ରିକ୍ ଅର୍ଜନ କରିଛି।
ମ୍ୟାଚ୍ର ୧୭ଶ ମିନିଟ୍ରେ ସାନିକା ଚନ୍ଦ୍ରକାନ୍ତ ମାନେ ଭାରତ ପାଇଁ ବିଜୟୀ ଗୋଲ୍ଟି ସ୍କୋର କରିଥିଲେ। ଏହି ଗୋଟିଏ ଗୋଲ୍କୁ ଶେଷ ପର୍ଯ୍ୟନ୍ତ ବଜାୟ ରଖି ଭାରତୀୟ ଖେଳାଳିମାନେ ଚୀନ୍ର ସବୁ ଆକ୍ରମଣକୁ ବିଫଳ କରିଦେଇଥିଲେ। ପୂରା ଟୁର୍ନାମେଣ୍ଟରେ ଅପରାଜିତ ରହିବା ସହ ଏହି ସଫଳତା ଭାରତକୁ ଆଗାମୀ ଏଫ୍ଆଇଏଚ୍ (FIH) ଜୁନିୟର ୱାର୍ଲ୍ଡ କପ୍ ପାଇଁ ମଧ୍ୟ ଟିକେଟ୍ ଦେଇଛି।
ଝିଅମାନଙ୍କର ଏହି ଐତିହାସିକ ଜିତ୍ରେ ଖୁସି ହୋଇ ‘ହକି ଇଣ୍ଡିଆ’ ବଡ଼ ପୁରସ୍କାର ଘୋଷଣା କରିଛି:
-
ପ୍ରତ୍ୟେକ ଖେଳାଳିଙ୍କୁ: ₹୩ ଲକ୍ଷ ଟଙ୍କାର ପୁରସ୍କାର
-
ସପୋର୍ଟ ଷ୍ଟାଫ୍ଙ୍କୁ: ₹୧.୫ ଲକ୍ଷ ଟଙ୍କା ଲେଖାଏଁ ପ୍ରଦାନ କରାଯିବ
ଏହି ବିଜୟ ପୂରା ଦେଶ ପାଇଁ ଏକ ଗର୍ବର ବିଷୟ।
