ଆଇମ୍ୟାକ୍ସ (IMAX) ରେ ମୁକ୍ତିଲାଭ କରିବ ରଜନୀକାନ୍ତଙ୍କ ‘ଜେଲର-୨’
ସୁପରଷ୍ଟାର ରଜନୀକାନ୍ତଙ୍କ ବହୁପ୍ରତୀକ୍ଷିତ ସିନେମା ‘ଜେଲର-୨’ କୁ ନେଇ ଏକ ବଡ଼ ଖବର ସାମ୍ନାକୁ ଆସିଛି। ନିର୍ମାତା ‘ସନ୍ ଫିଚର୍ସ’ (Sun Pictures) ସ୍ପଷ୍ଟ କରିଛନ୍ତି ଯେ ଏହି ଫିଲ୍ମଟି ବିଶ୍ୱବ୍ୟାପୀ ଆଇମ୍ୟାକ୍ସ (IMAX) ଫର୍ମାଟରେ ମଧ୍ୟ ରିଲିଜ୍ ହେବ।
ଆସନ୍ତା ଅକ୍ଟୋବର ୧୫, ୨୦୨୬ ରେ ଏହି ଆକ୍ସନ୍ ଡ୍ରାମା ପ୍ରେକ୍ଷାଳୟକୁ ଆସିବାକୁ ଯାଉଛି। ନେଲସନ୍ ଦିଲୀପକୁମାରଙ୍କ ନିର୍ଦ୍ଦେଶନାରେ ନିର୍ମିତ ଏହି ସିକ୍ୱେଲରେ ରଜନୀକାନ୍ତ ପୁଣିଥରେ ‘ଟାଇଗର ମୁଥୁଭେଲ ପାଣ୍ଡିଆନ୍’ ଭୂମିକାରେ ନଜର ଆସିବେ।
ଫିଲ୍ମରେ ରମ୍ୟା କୃଷ୍ଣନ୍, ମୋହନଲାଲ, ଶିବରାଜକୁମାର, ଯୋଗୀ ବାବୁଙ୍କ ସହ ଏଥର ବିଦ୍ୟା ବାଲାନ, ଏସ୍.ଜେ. ସୂର୍ଯ୍ୟା ଏବଂ ସୁରାଜ ଭେଞ୍ଜାରାମୁଡୁଙ୍କ ଭଳି କଳାକାରଙ୍କୁ ଦେଖିବାକୁ ମିଳିବ। ଏହାର ସଙ୍ଗୀତ ନିର୍ଦ୍ଦେଶନା ଅନିରୁଦ୍ଧ ରବିଚନ୍ଦର ଦେଇଛନ୍ତି। IMAX ରେ ରିଲିଜ୍ ହେଉଥିବାରୁ ଦର୍ଶକ ବଡ଼ ପରଦାରେ ଏହାର ଆକ୍ସନ୍ ଓ ଭିଜୁଆଲର ଏକ ଜବରଦସ୍ତ ଅନୁଭୂତି ପାଇପାରିବେ।
