ବିଗ୍ ବସ୍ ୨୦ ପାଇଁ ସଲମାନ ଖାନ ନେବେ ୧୨୦ କୋଟି: ଜାଣନ୍ତୁ ନୂଆ ସିଜନ୍ର ସମସ୍ତ ଅପଡେଟ୍
ଭୁବନେଶ୍ୱର:
ଦେଶର ସବୁଠାରୁ ଲୋକପ୍ରିୟ ରିଆଲିଟି ଶୋ’ ‘ବିଗ୍ ବସ୍’ ନିଜର ୨୦ତମ ସିଜନ୍ ସହ ପୁଣି ଥରେ ଫେରୁଛି। ଚଳିତ ସିଜନ୍ରେ ମଧ୍ୟ ବଲିଉଡର ସୁପରଷ୍ଟାର ସଲମାନ ଖାନଙ୍କୁ ହୋଷ୍ଟ ଭାବେ ଦେଖିବାକୁ ମିଳିବ। ଖବର ଅନୁଯାୟୀ, ବିଗ୍ ବସ୍ ୨୦ ପାଇଁ ସଲମାନ ଖାନ ପ୍ରାୟ ୧୨୦ କୋଟି ଟଙ୍କାର ମୋଟା ଅଙ୍କର ପାରିଶ୍ରମିକ ନେଉଛନ୍ତି।
ସଲମାନଙ୍କ ଫି’ର ନୂଆ ରେକର୍ଡ
ବିଗ୍ ବସ୍ ସହ ସଲମାନଙ୍କ ଯାତ୍ରା ସିଜନ୍ ୪ରୁ ଆରମ୍ଭ ହୋଇଥିଲା, ଯେଉଁଥିରେ ସେ ପ୍ରତି ଏପିସୋଡ୍ ପାଇଁ ୨.୫ କୋଟି ଟଙ୍କା ନେଉଥିଲେ। ସିଜନ୍ ୧୦ ବେଳକୁ ଏହା ଏପିସୋଡ୍ ପିଛା ୧୦ କୋଟିରେ ପହଞ୍ଚିଥିଲା। ପରବର୍ତ୍ତୀ ସମୟରେ, ପ୍ରତି ଏପିସୋଡ୍ ବଦଳରେ ପୂରା ସିଜନ୍ ପାଇଁ କ୍ରାଫ୍ଟ ଚୁକ୍ତି ଆରମ୍ଭ ହୋଇଥିଲା— ଯେପରିକି ସିଜନ୍ ୧୨ ପାଇଁ ୩୦୦ କୋଟି ଓ ସିଜନ୍ ୧୫ ପାଇଁ ୩୫୦ କୋଟି ଟଙ୍କା। ଚଳିତ ସିଜନ୍ର ୧୨୦ କୋଟି ଟଙ୍କାର ଚୁକ୍ତି ପୁଣି ଥରେ ଦର୍ଶାଇଛି ଯେ ଶୋ’ର ସଫଳତା ପାଇଁ ସଲମାନଙ୍କ ଉପସ୍ଥିତି କେତେ ଗୁରୁତ୍ୱପୂର୍ଣ୍ଣ।
କେବେ ଓ କେଉଁଠି ଦେଖିବେ?
ବିଗ୍ ବସ୍ ୨୦ ଆସନ୍ତା ସେପ୍ଟେମ୍ବର ୬ ରୁ ଆରମ୍ଭ ହେବାକୁ ଯାଉଛି। ଏଥର ପ୍ରଥମେ ‘ଜିଓ ହଟଷ୍ଟାର’ (JioHotstar) ରେ ଏହାର ଷ୍ଟ୍ରିମିଂ ହେବ ଏବଂ ପରେ ‘କଲର୍ସ ଟିଭି’ (Colors TV) ରେ ଏହା ପ୍ରସାରିତ ହେବ।
‘ତଥାସ୍ତୁ’ ଜଙ୍ଗଲ ଥିମ୍ରେ ସଜେଇ ହୋଇଛି ଘର
ଏଥର ବିଗ୍ ବସ୍ ଘରକୁ ‘ତଥାସ୍ତୁ’ ଜଙ୍ଗଲ ଥିମ୍ରେ ପ୍ରସ୍ତୁତ କରାଯାଇଛି। ବେଡରୁମ୍ ପ୍ରବେଶ ପଥରେ କୋକିଶିଆଳୀ (Fox), ଲିଭିଂ ଏରିଆରେ ବିରାଟ ଗଛ, ବାଥରୁମ୍ ନିକଟରେ ଗୋରିଲା ଏବଂ ବଗିଚାରେ ସାପର ଆକର୍ଷଣୀୟ ପ୍ରତିକୃତି ସ୍ଥାନ ପାଇଛି। ଏହାସହ ଏକମାତ୍ର ସାଧାରଣ ବେଡରୁମ୍, ‘BB ଫୁଡ୍ ଟ୍ରକ୍’ ଷ୍ଟାଇଲ୍ ରୋଷେଇ ଘର ଏବଂ ନୂଆ ଟ୍ୱିଷ୍ଟ ପାଇଁ ସିକ୍ରେଟ୍ ରୁମ୍ ରହିଛି।
