ବନ୍ଦେ ମାତରମ୍ ବିବାଦ: ସରକାରୀ ସ୍କୁଲର ସୁଧାର ପାଇଁ ସ୍ୱତନ୍ତ୍ର ସଂସଦ ଅଧିବେଶନ ଡାକିବାକୁ CJP ର ପରାମର୍ଶ
ନୂଆଦିଲ୍ଲୀ: ‘ବନ୍ଦେ ମାତରମ୍’କୁ ନେଇ ଚାଲିଥିବା ରାଜନୈତିକ ତର୍କବିତର୍କ ମଧ୍ୟରେ କୋକରୋଚ୍ ଜନତା ପାର୍ଟି (CJP) ଶାସକ ଭାରତୀୟ ଜନତା ପାର୍ଟି (BJP) କୁ କଡ଼ା ସମାଲୋଚନା କରିଛି। ରାଜନୈତିକ ପ୍ରଚାର ଓ ବିବାଦରେ ସମୟ ନଷ୍ଟ ନକରି ସରକାରୀ ସ୍କୁଲ ଏବଂ କଲେଜଗୁଡ଼ିକର ସୁଧାର ପାଇଁ ସଂସଦର ଏକ ସ୍ୱତନ୍ତ୍ର ଅଧିବେଶନ ଡାକିବାକୁ CJP ସୁପାରିଶ କରିଛି।
ବିଜେପି ନେତ୍ରୀ ସ୍ମୃତି ଇରାନୀଙ୍କ ଏକ ସୋସିଆଲ ମିଡିଆ ପୋଷ୍ଟର ଜବାବ ଦେଇ CJP ପ୍ରବକ୍ତା ସୌରଭ ଦାସ କହିଛନ୍ତି ଯେ ରାଜନୈତିକ ଆଜେଣ୍ଡା ପାଇଁ ପିଆର୍ (PR) କରିବା ପରିବର୍ତ୍ତେ ଦେଶର ଶିକ୍ଷା ବ୍ୟବସ୍ଥାରେ ସୁଧାର ଆଣିବା ଉପରେ ଧ୍ୟାନ ଦିଆଯିବା ଉଚିତ୍। ଶିକ୍ଷାନୁଷ୍ଠାନଗୁଡ଼ିକର ଭିତ୍ତିଭୂମି ମଜବୁତ ହେଲେ ହିଁ ବଙ୍କିମଚନ୍ଦ୍ର ଚଟ୍ଟୋପାଧ୍ୟାୟ ଏବଂ ରବୀନ୍ଦ୍ରନାଥ ଠାକୁରଙ୍କ ପରି ମହାନ ବ୍ୟକ୍ତିତ୍ୱ ଗଢ଼ିଉଠିବେ।
ଉଲ୍ଲେଖଯୋଗ୍ୟ ଯେ, ବନ୍ଦେ ମାତରମ୍ର ସମ୍ପୂର୍ଣ୍ଣ ଗାୟନକୁ ନେଇ ବିଜେପି ଏବଂ କଂଗ୍ରେସ ମଧ୍ୟରେ ରାଜନୈତିକ ଛକାପଞ୍ଛା ଜାରି ରହିଛି। ଏହି ପରିପ୍ରେକ୍ଷୀରେ CJP ନିଜର “ସ୍କୁଲ ଠିକ୍ କରୋ” ଅଭିଯାନକୁ ଆଗକୁ ବଢ଼ାଇ ସରକାରୀ ଶିକ୍ଷା ବ୍ୟବସ୍ଥାକୁ ପ୍ରାଥମିକତା ଦେବାକୁ ଦାବି କରିଛି।
