ନୂଆଦିଲ୍ଲୀରେ ‘ଭାରତ ରିନିଉଏବଲ୍ ଏନର୍ଜି ସମିଟ୍ ୨୦୨୬’: ଓଡ଼ିଶାକୁ ଆସିବ ୧.୧୭ ଲକ୍ଷ କୋଟିର ସବୁଜ ପୁଞ୍ଜିନିବେଶ
ନୂଆଦିଲ୍ଲୀ (ମିଡିଆ ରିପୋର୍ଟ): ନୂଆଦିଲ୍ଲୀର ଭାରତ ମଣ୍ଡପମ୍ଠାରେ ଆୟୋଜିତ ‘ଭାରତ ରିନିଉଏବଲ୍ ଏନର୍ଜି ସମିଟ୍ & ଏକ୍ସପୋ ୨୦୨୬’ରେ ଓଡ଼ିଶା ବଡ଼ ସଫଳତା ହାସଲ କରିଛି। ଏହି ସମ୍ମିଳନୀରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଉପ-ମୁଖ୍ୟମନ୍ତ୍ରୀ तथा ଶକ୍ତି ମନ୍ତ୍ରୀ କନକ ବର୍ଦ୍ଧନ ସିଂହଦେଓ ଯୋଗଦେଇ ଓଡ଼ିଶା ପାଭିଲିୟନ୍ର ଶୁଭାରମ୍ଭ କରିଛନ୍ତି।
ସବୁଜ ଓ ଅକ୍ଷୟ ଶକ୍ତି କ୍ଷେତ୍ରରେ ଓଡ଼ିଶାକୁ ଅଗ୍ରଣୀ ରାଜ୍ୟ ଭାବେ ଗଢ଼ିତୋଳିବା ପାଇଁ ଏହି ସମ୍ମିଳନୀରେ ମୋଟ ୧୮ଟି ପ୍ରମୁଖ ସଂସ୍ଥା ସହ ଏମଓୟୁ (MoU) ସ୍ୱାକ୍ଷରିତ ହୋଇଛି। ଏହାଦ୍ୱାରା ରାଜ୍ୟକୁ ପାଖାପାଖି ୧.୧୭ ଲକ୍ଷ କୋଟି ଟଙ୍କାର ନିବେଶ ଆସିବ, ଯାହା ଆଗାମୀ ଦିନରେ ବ୍ୟାପକ ନିଯୁକ୍ତି ସୁଯୋଗ ସୃଷ୍ଟି କରିବ।
ସମ୍ମିଳନୀରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଓଡ଼ିଶାକୁ ସ୍ୱଚ୍ଛ ଏବଂ ସବୁଜ ଶକ୍ତିର ଏକ ପ୍ରମୁଖ ହବ୍ରେ ପରିଣତ କରିବା ପାଇଁ ରାଜ୍ୟ ସରକାର ସମ୍ପୂର୍ଣ୍ଣ ପ୍ରତିଶ୍ରୁତିବଦ୍ଧ।
