ଦୀପାବଳିରେ ଫୁଟିବ ଗ୍ରୀନ୍ କ୍ରାକର୍ସ: ବାଣ ଫୁଟାଇବା ପାଇଁ OSPCB ର କଡ଼ା ନିୟମ, ସନ୍ଧ୍ୟା ୭ରୁ ୯ଟା ଯାଏଁ ଅନୁମତି
ଭୁବନେଶ୍ୱର:[News Inshot]
ଦୀପାବଳିରେ ପରିବେଶ ଓ ଶବ୍ଦ ପ୍ରଦୂଷଣକୁ ନିୟନ୍ତ୍ରଣରେ ରଖିବା ପାଇଁ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ (OSPCB) ପକ୍ଷରୁ କଡ଼ା ଦିଗଦର୍ଶନ ଜାରି କରାଯାଇଛି। ଚଳିତ ବର୍ଷ ବାଣ ଫୁଟାଇବା ପାଇଁ କେବଳ ୨ ଘଣ୍ଟା—ଅର୍ଥାତ୍ ସନ୍ଧ୍ୟା ୭ଟାରୁ ରାତି ୯ଟା ପର୍ଯ୍ୟନ୍ତ ସମୟ ଧାର୍ଯ୍ୟ କରାଯାଇଛି।
ବୋର୍ଡର ନିର୍ଦ୍ଦେଶ ଅନୁସାରେ, ବଜାରରେ କେବଳ PESO ଦ୍ୱାରା ପ୍ରମାଣିତ ‘ଗ୍ରୀନ୍ କ୍ରାକର୍ସ’ ବିକ୍ରି ଓ ବ୍ୟବହାର କରାଯାଇପାରିବ। ବାରିୟମ୍ ଥିବା ବାଣ, ଅଧିକ ଶବ୍ଦ ସୃଷ୍ଟି କରୁଥିବା ବାଣ (୧୨୫ ଡେସିବେଲ୍ରୁ ଅଧିକ) ଏବଂ ଲଗାତାର ଫୁଟୁଥିବା ଲଡି ବାଣ ଉପରେ ସମ୍ପୂର୍ଣ୍ଣ ବ୍ୟାନ ଲଗାଯାଇଛି।
ଏହାସହ ହସ୍ପିଟାଲ୍, ସ୍କୁଲ୍, କୋର୍ଟ ଓ ଧାର୍ମିକ ସ୍ଥଳ ଭଳି ସାଇଲେନ୍ସ ଜୋନ୍ (ନିଶବ୍ଦ ଅଞ୍ଚଳ) ର ୧୦୦ ମିଟର ପରିଧି ମଧ୍ୟରେ ବାଣ ଫୁଟାଇବାକୁ ସମ୍ପୂର୍ଣ୍ଣ ମନା କରାଯାଇଛି। ନିୟମ ଉଲ୍ଲଂଘନ କଲେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବୋର୍ଡ ଚେତାବନୀ ଦେଇଛି।
