ସେପ୍ଟେମ୍ବର ୧ରୁ ବଢ଼ିଲା କମର୍ସିଆଲ LPG ଗ୍ୟାସ୍ ଓ ବିମାନ ଇନ୍ଧନ ଦର
ମାସର ପ୍ରଥମ ଦିନରୁ ସାଧାରଣ ଲୋକଙ୍କ ପକେଟ୍ ଉପରେ ପୁଣି ଏକ ବୋଝ ପଡ଼ିଛି। ତେଲ କମ୍ପାନୀଗୁଡ଼ିକ କମର୍ସିଆଲ (ବ୍ୟାବସାୟିକ) LPG ଗ୍ୟାସ ସିଲିଣ୍ଡର ଏବଂ ବିମାନ ଇନ୍ଧନ (ATF) ଦର ବୃଦ୍ଧି କରିଛନ୍ତି। ନୂଆ ଦର ଆଜି ଅର୍ଥାତ୍ ସେପ୍ଟେମ୍ବର ୧ ତାରିଖରୁ ଲାଗୁ ହୋଇଛି।
ତେବେ ଘରୋଇ ଗ୍ରାହକଙ୍କ ପାଇଁ ଆଶ୍ୱାସନାର ଖବର ହେଉଛି ଯେ, ଘରୋଇ ବ୍ୟବହାର ହେଉଥିବା ୧୪.୨ କେଜି ସିଲିଣ୍ଡର ଦରରେ କୌଣସି ପରିବର୍ତ୍ତନ କରାଯାଇ ନାହିଁ।
ବଢ଼ିଲା କମର୍ସିଆଲ ସିଲିଣ୍ଡର ଦର:
୧୯ କେଜି ବିଶିଷ୍ଟ କମର୍ସିଆଲ ଗ୍ୟାସ ସିଲିଣ୍ଡର ପିଛା ୯.୫୦ ଟଙ୍କା ବୃଦ୍ଧି ପାଇଛି। ଏହି ବୃଦ୍ଧି ପରେ ପ୍ରମୁଖ ସହରଗୁଡ଼ିକରେ ନୂଆ ଦର ଏହିପରି ରହିଛି:
-
ଦିଲ୍ଲୀ: ₹୨,୭୪୭.୫୦
-
ମୁମ୍ବାଇ: ₹୨,୭୦୧.୦୦
-
କୋଲକାତା: ₹୨,୮୮୪.୦୦
-
ଚେନ୍ନାଇ: ₹୨,୯୧୬.୫୦
ମହଙ୍ଗା ହେଲା ବିମାନ ଇନ୍ଧନ (ATF):
କେବଳ ଏଲପିଜି ନୁହେଁ, ବିମାନ ଇନ୍ଧନ ବା ATF ଦର ମଧ୍ୟ ଲିଟର ପିଛା ୬.୨୮ ଟଙ୍କା ବୃଦ୍ଧି ପାଇଛି। ଏହାଦ୍ୱାରା ଆଗାମୀ ଦିନରେ ବିମାନ ଯାତ୍ରା ମହଙ୍ଗା ହେବାର ସମ୍ଭାବନା ରହିଛି।
କ’ଣ ପଡ଼ିବ ପ୍ରଭାବ?
କମର୍ସିଆଲ ଗ୍ୟାସ୍ ଦର ବଢ଼ିବା ଦ୍ୱାରା ହୋଟେଲ, ରେଷ୍ଟୁରାଣ୍ଟ, ଢାବା ଏବଂ ଖାଦ୍ୟ ବ୍ୟବସାୟ ସହ ଜଡ଼ିତ ବ୍ୟବସାୟୀଙ୍କ ଖର୍ଚ୍ଚ ବୃଦ୍ଧି ପାଇବ। ଫଳରେ ବାହାରେ ଖାଇବା ଏବଂ ଜିନିଷପତ୍ରର ଦାମ୍ ସାମାନ୍ୟ ବୃଦ୍ଧି ପାଇବାର ଆଶଙ୍କା ରହିଛି।
