Over 100 Students Join Special Vedic Ganesh Worship at Unit-8 School/Photo By : Sai Saswat Mishra
Over 100 Students Join Special Vedic Ganesh Worship at Unit-8 School/Photo By : Sai Saswat Mishra
ୟୁନିଟ୍-୮ ସରସ୍ବତୀ ଶିଶୁ ବିଦ୍ୟା ମନ୍ଦିରରେ ବୈଦିକ ରୀତିରେ ଗଣେଶ ପୂଜା ଅନୁଷ୍ଠିତ
ଭୁବନେଶ୍ୱର: ସ୍ଥାନୀୟ ୟୁନିଟ୍-୮ ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସରରେ ଗଣେଶ ପୂଜା ବେଶ୍ ଆଡ଼ମ୍ବର ଓ ଆଧ୍ୟାତ୍ମିକ ପରିବେଶ ମଧ୍ୟରେ ସମ୍ପନ୍ନ ହୋଇଯାଇଛି।
ଏହି କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ପିଲାମାନଙ୍କର ବ୍ୟକ୍ତିଗତ ପୂଜାର୍ଚ୍ଚନା। ପ୍ରାୟ ଶତାଧିକ ଛାତ୍ରଛାତ୍ରୀ ନିଜ ନିଜର ପୂଜା ସାମଗ୍ରୀ ଧରି ସମ୍ପୂର୍ଣ୍ଣ ନିଷ୍ଠାର ସହ ବୈଦିକ ରୀତିନୀତିରେ ପ୍ରଭୁ ଗଜାନନଙ୍କ ପୂଜାରେ ସାମିଲ ହୋଇଥିଲେ। ବିଦ୍ୟାଳୟ ସ୍ତରରେ ଏଭଳି ପ୍ରତ୍ୟକ୍ଷ ବୈଦିକ ପୂଜନ ପ୍ରକ୍ରିୟା ଆମ ରାଜ୍ୟରେ ଖୁବ୍ କମ୍ ଦେଖିବାକୁ ମିଳେ।
ପୂଜାର୍ଚ୍ଚନା ପରେ ଶିଶୁ କଳାକାରମାନଙ୍କ ଦ୍ୱାରା ମନମୁଖକର ସାଂସ୍କୃତିକ ନୃତ୍ୟ ଓ ଗୀତ ପରିବେଷିତ ହୋଇଥିଲା। ଶେଷରେ ସମସ୍ତ ଛାତ୍ରଛାତ୍ରୀ ଏବଂ ଅଭିଭାବକଙ୍କ ପାଇଁ ପ୍ରସାଦ ସେବନର ସୁବ୍ୟବସ୍ଥା କରାଯାଇଥିଲା। ବିଦ୍ୟାଳୟ ପରିଚାଳନା ସମିତି ଓ ପ୍ରଧାନ ଆଚାର୍ଯ୍ୟଙ୍କ ସୂଚାରୁ ତତ୍ତ୍ୱାବଧାନ ଏବଂ ଗଣମାଧ୍ୟମର ସହଯୋଗ ଯୋଗୁଁ ସମଗ୍ର କାର୍ଯ୍ୟକ୍ରମଟି ସଫଳତାର ସହ ଶେଷ ହୋଇଛି।
