ରାଜ୍ୟସଭା ନିର୍ବାଚନ: ବିଜେପିର ବଡ଼ ନିଷ୍ପତ୍ତି; ହରଦୀପ ସିଂହ ପୁରୀ ଓ ବି.ଏଲ. ବର୍ମାଙ୍କ ସହ ୮ ଜଣଙ୍କ ଟିକେଟ୍ କଟିଲା
ଉତ୍ତର ପ୍ରଦେଶ: ଆଗାମୀ ରାଜ୍ୟସଭା ନିର୍ବାଚନ ପାଇଁ ଭାରତୀୟ ଜନତା ପାର୍ଟି (ବିଜେପି) ନିଜର ପ୍ରାର୍ଥୀ ତାଲିକା ଘୋଷଣା କରିସାରିଛି। ତେବେ ଏହି ତାଲିକାରେ ଦଳ ଏକ ବଡ଼ ଏବଂ ନୂଆ ଆଭିମୁଖ୍ୟ ଆପଣେଇଛି। ଉତ୍ତର ପ୍ରଦେଶରୁ ନିର୍ବାଚିତ ହୋଇଥିବା କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ଏବଂ ବି.ଏଲ. ବର୍ମାଙ୍କ ସମେତ ୮ ଜଣ ବିଜେପି ସାଂସଦଙ୍କୁ ଏଥର ପୁନର୍ବାର ସୁଯୋଗ ମିଳିନାହିଁ।
ଅକ୍ଟୋବର ୧୬ରେ ହେବାକୁ ଥିବା ଏହି ନିର୍ବାଚନ ପାଇଁ ବିଜେପି ୮ ଜଣ ନୂଆ ଓ ପ୍ରଭାବଶାଳୀ ଚେହେରାଙ୍କୁ ପ୍ରାର୍ଥୀ କରିଛି। ନୂଆ ପ୍ରାର୍ଥୀମାନଙ୍କ ମଧ୍ୟରେ ଧରମପାଲ ସିଂହ, ରାଧାକାନ୍ତ ଓଝା, ପ୍ରକାଶ ପାଲ, ବିଦ୍ୟାସାଗର ସୋନକର, ଗୋପୀ କୃଷ୍ଣ ପାଣ୍ଡେ, ପ୍ରିୟଙ୍କା ସିଂହ ରାୱତ, ରାମପ୍ରତାପ ସିଂହ ଚୌହାନ ଏବଂ ଶ୍ରୁତି ଗାଙ୍ଗୱାର ରହିଛନ୍ତି।
ଆଗାମୀ ବିଧାନସଭା ନିର୍ବାଚନକୁ ଆଖି ଆଗରେ ରଖି ଦଳର ସାଙ୍ଗଠନିକ ଏବଂ ସାମାଜିକ ସମୀକରଣକୁ ମଜବୁତ କରିବା ପାଇଁ ବିଜେପି ଏହି ପଦକ୍ଷେପ ନେଇଥିବା ଚର୍ଚ୍ଚା ହେଉଛି। କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀଙ୍କ କାର୍ଯ୍ୟକାଳ ଶେଷ ହେଉଥିବାରୁ, ସଂସଦରେ ରହିବା ପାଇଁ ତାଙ୍କୁ ଆଗାମୀ ଦିନରେ ଅନ୍ୟ କୌଣସି ରାଜ୍ୟରୁ ରାଜ୍ୟସଭାକୁ ଆଣିବା ନେଇ ମଧ୍ୟ ଅଟକଳ ଲଗାଯାଉଛି।
