ଆର୍କ୍ଟିକ୍ ଓପନ୍ ୨୦୨୬: କ୍ୱାର୍ଟରଫାଇନାଲରୁ ବିଦା ହେଲେ ପି.ଭି. ସିନ୍ଧୁ, ଶେଷ ହେଲା ଭାରତର ଅଭିଯାନ
ଆର୍କ୍ଟିକ୍ ଓପନ୍ ବ୍ୟାଡମିଣ୍ଟନ ଟୁର୍ଣ୍ଣାମେଣ୍ଟରୁ ଭାରତର ଆଶା ମଉଳି ଯାଇଛି। ମହିଳା ଏକକ (Women’s Singles) କ୍ୱାର୍ଟରଫାଇନାଲ ମ୍ୟାଚରେ ଦୁଇଥରର ଅଲମ୍ପିକ୍ ପଦକ ବିଜେତା ପି.ଭି. ସିନ୍ଧୁ କଠିନ ସଂଘର୍ଷ ପରେ ପରାସ୍ତ ହୋଇ ପ୍ରତିଯୋଗିତାରୁ ବାହାରି ଯାଇଛନ୍ତି।
ଫିନଲ୍ୟାଣ୍ଡର ଭାଣ୍ଟାଠାରେ ଅନୁଷ୍ଠିତ ଏହି ରୋମାଞ୍ଚକର ମ୍ୟାଚରେ ସିନ୍ଧୁ ଥାଇଲାଣ୍ଡର ବିଶ୍ୱର ୫ ନମ୍ବର ଖେଳାଳି ତଥାଟର୍ପ-ସିଡଡ୍ ରଚନୋକ୍ ଇନ୍ଥାନୋନ୍ (Ratchanok Intanon)ଙ୍କୁ ଭେଟିଥିଲେ। ପ୍ରାୟ ୧ ଘଣ୍ଟା ୨ ମିନିଟ୍ ଧରି ଚାଲିଥିବା ଏହି କଡ଼ା ଟକ୍କରରେ ସିନ୍ଧୁ ୨୧-୧୧, ୧୯-୨୧, ୨୧-୧୮ ସେଟ୍ରେ ପରାଭବ ସ୍ୱୀକାର କରିଛନ୍ତି। ପ୍ରଥମ ଗେମ୍ ହାରିବା ପରେ ସିନ୍ଧୁ ଦ୍ୱିତୀୟ ଗେମ୍ ଜିତି ଜୋରଦାର ପ୍ରତ୍ୟାବର୍ତ୍ତନ କରିଥିଲେ ମଧ୍ୟ, ନିର୍ଣ୍ଣାୟକ ତୃତୀୟ ଗେମରେ ବାଜି ମାରିନପାରିବାରୁ ପରାସ୍ତ ହେବାକୁ ପଡ଼ିଥିଲା। ଏହି ଜୟ ସହିତ ଇନ୍ଥାନୋନ୍ ସିନ୍ଧୁଙ୍କ ବିପୁଳ ହେଡ୍-ଟୁ-ହେଡ୍ ରେକର୍ଡକୁ ଆହୁରି ମଜଭୁତ କରିଛନ୍ତି।
ଏହାପୂର୍ବରୁ ସିନ୍ଧୁ ଜାପାନର ରିକୋ ଗୁଞ୍ଜିଙ୍କୁ ସିଧାସଳଖ ଗେମ୍ରେ ହରାଇ କ୍ୱାର୍ଟରଫାଇନାଲରେ ପ୍ରବେଶ କରିଥିଲେ। ମାତ୍ର ସିନ୍ଧୁଙ୍କ ଏହି ପରାଜୟ ସହିତ ଟୁର୍ଣ୍ଣାମେଣ୍ଟରେ ଭାରତର ସମସ୍ତ ଚ୍ୟାଲେଞ୍ଜ ଶେଷ ହୋଇଯାଇଛି, କାରଣ ପୂର୍ବରୁ ପୁରୁଷ ଯୁଗଳ ଯୋଡ଼ି କୃଷ୍ଣ ପ୍ରସାଦ ଗାରଗା ଏବଂ ପ୍ରୁଥ୍ବୀ କ୍ରିଷ୍ଣାମୂର୍ତ୍ତି ରୟ ମଧ୍ୟ କ୍ୱାର୍ଟରଫାଇନାଲରୁ ବିଦା ହୋଇସାରିଥିଲେ।
ବର୍ତ୍ତମାନ ଭାରତୀୟ ବ୍ୟାଡମିଣ୍ଟନ ଖେଳାଳିମାନେ ଆଗାମୀ ଡେନମାର୍କ ଓପନ୍ ୨୦୨୬ ପାଇଁ ପ୍ରସ୍ତୁତି ଆରମ୍ଭ କରିବେ।
