ପୁରୀ ବେଳାଭୂମିରେ ସୁଦର୍ଶନଙ୍କ ବାଲୁକା କଳା: ଫିଫା ବିଶ୍ୱକପ୍ ଟ୍ରଫି ସହ ଶୋଭା ପାଉଛନ୍ତି ମେସି
ଓଡ଼ିଶା: ବିଶ୍ୱପ୍ରସିଦ୍ଧ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ପୁରୀ ବେଳାଭୂମିରେ ଫିଫା ବିଶ୍ୱକପ୍ ଟ୍ରଫିର ଏକ ୮ ଫୁଟ ଉଚ୍ଚର ବାଲୁକା କଳା ନିର୍ମାଣ କରିଛନ୍ତି, ଯେଉଁଥିରେ ସ୍ପେନ୍ ଓ ଆର୍ଜେଣ୍ଟିନାର ଜାତୀୟ ପତାକା ସହିତ “ଫିଫା ବିଶ୍ୱକପ୍ ୨୦୨ ୬ – ଫାଇନାଲ୍ ପାଇଁ ଶୁଭେଚ୍ଛା” ବାର୍ତ୍ତା ସ୍ଥାନ ପାଇଛି। ଆସନ୍ତାକାଲି ଅନୁଷ୍ଠିତ ହେବାକୁ ଥିବା ଫିଫା ବିଶ୍ୱକପ୍ ୨୦୨୬ ର ଫାଇନାଲ୍ ମ୍ୟାଚ୍ ପୂର୍ବରୁ ଏହି ପ୍ରତିକୃତି ନିର୍ମାଣ କରାଯାଇଛି।
ଏହାସହ ସୁଦର୍ଶନ ପଟ୍ଟନାୟକ ଫୁଟବଲ୍ ଦୁନିଆର ଅନ୍ୟତମ ମହାନ ତାରକା ଲିଓନେଲ୍ ମେସିଙ୍କର ମଧ୍ୟ ଏକ ବାଲୁକା ପ୍ରତିମୂର୍ତ୍ତି ତିଆରି କରିଛନ୍ତି, ଯେଉଁଥିରେ “ୱି ଲଭ୍ ମେସି” (ଆମେ ମେସିଙ୍କୁ ଭଲପାଉ) ବୋଲି ଲେଖାଯାଇଛି। ଏହି ବିଶାଳ ବାଲୁକା କଳା ପ୍ରସ୍ତୁତ କରିବା ପାଇଁ ପ୍ରାୟ ୭ ଟନ୍ ବାଲି ବ୍ୟବହାର କରାଯାଇଛି ଏବଂ ଏହାକୁ ସମ୍ପୂର୍ଣ୍ଣ କରିବାରେ ତାଙ୍କ ବାଲୁକା କଳା ପ୍ରତିଷ୍ଠାନର ଛାତ୍ରଛାତ୍ରୀମାନେ ସହଯୋଗ କରିଛନ୍ତି।
