ଓଡ଼ିଶାରେ ଆସନ୍ତା ୪ ଅକ୍ଟୋବରରୁ ବଢ଼ିବ ଓମ୍ଫେଡ୍ କ୍ଷୀର ଦର, ଜାଣନ୍ତୁ କେତେ ଟଙ୍କା ମହଙ୍ଗା ହେଲା
ଆସନ୍ତା ଅକ୍ଟୋବର ୪ ତାରିଖରୁ ସାରା ଓଡ଼ିଶାରେ ଓମ୍ଫେଡ୍ (OMFED) କ୍ଷୀର ଦର ବୃଦ୍ଧି ପାଇବାକୁ ଯାଉଛି। ଗୋଖାଦ୍ୟର ବଦଳୁଥିବା ଦାମ୍ ଓ ପରିବହନ ଖର୍ଚ୍ଚ ବଢ଼ିବା ଯୋଗୁଁ ଓମ୍ଫେଡ୍ ପକ୍ଷରୁ ଏହି ପଦକ୍ଷେପ ନିଆଯାଇଥିବା ସୂଚନା ମିଳିଛି।
ନୂଆ ଦର ଅନୁସାରେ, ଟୋନ୍ଡ୍ ମିଲ୍କ (Toned Milk) ଲିଟର ପିଛା ୪ ଟଙ୍କା ବୃଦ୍ଧି ପାଇ ୫୮ ଟଙ୍କା ହୋଇଛି (୫୦୦ ଏମ୍ଏଲ୍ ପ୍ୟାକେଟ୍ ୨୭ ରୁ ବଢ଼ି ୨୯ ଟଙ୍କା)। ସେହିପରି ପ୍ରିମିୟମ୍ ମିଲ୍କ (Premium Milk) ଲିଟର ପିଛା ୨ ଟଙ୍କା ବଢ଼ି ୬୦ ଟଙ୍କା ଏବଂ ଗୋଲ୍ଡ ପ୍ଲସ୍ ମିଲ୍କ (Gold Plus Milk) ଲିଟର ପିଛା ୬୬ ଟଙ୍କାରେ ପହଞ୍ଚିଛି।
ଚାଷୀଙ୍କଠାରୁ କ୍ଷୀର ସଂଗ୍ରହ ମୂଲ୍ୟ ବୃଦ୍ଧି ଓ ପରିଚାଳନା ଖର୍ଚ୍ଚକୁ ସନ୍ତୁଳିତ କରିବା ପାଇଁ ଏହି ନୂଆ ଦର ଲାଗୁ କରାଯାଉଛି। ତେବେ ଏହି ଦର ବୃଦ୍ଧି ଯୋଗୁଁ ସାଧାରଣ ଖାଉଟିଙ୍କ ସହ ଚା’ ଦୋକାନୀ ଓ ହୋଟେଲ ବ୍ୟବସାୟୀଙ୍କ ଉପରେ ସିଧାସଳଖ ପ୍ରଭାବ ପଡ଼ିବ।
