କେନ୍ଦ୍ର ଶିକ୍ଷା ମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା
ନୂଆଦିଲ୍ଲୀ (୨୫ ଜୁଲାଇ ୨୦୨୬):
କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶନିବାର ନିଜ ପଦବୀରୁ ଇସ୍ତଫା ଦେଇଛନ୍ତି। ‘X’ (ପୂର୍ବରୁ ଟ୍ୱିଟର) ମାଧ୍ୟମରେ ସେ ଏହି ସୂଚନା ଦେବା ସହ ପ୍ରଧାନମନ୍ତ୍ରୀଙ୍କୁ ନିଜର ଇସ୍ତଫା ପତ୍ର ପଠାଇ ଦେଇଛନ୍ତି।
ଜନ୍ତର ମନ୍ତରରେ ଚାଲିଥିବା ଛାତ୍ର ଆନ୍ଦୋଳନ ଏବଂ ସାରା ଦେଶର ସ୍ଥିତିର କୌଣସି “ଦେଶବିରୋଧୀ ଶକ୍ତି” ଯେପରି ଅନୁଚିତ ଫାଇଦା ନ ଉଠାନ୍ତି, ସେଥିପାଇଁ ସେ ଏହି ନିଷ୍ପତ୍ତି ନେଇଥିବା ଦର୍ଶାଇଛନ୍ତି। ଦେଶର ଏକତା ରକ୍ଷା କରିବା, ଛାତ୍ରମାନଙ୍କ ଭବିଷ୍ୟତକୁ ଆଇନଗତ ଜଟିଳତାରୁ ଦୂରରେ ରଖିବା ଏବଂ ସେମାନଙ୍କୁ ପାଠପଢ଼ାରେ ମନୋନିବେଶ କରିବାର ସୁଯୋଗ ଦେବା ପାଇଁ ସେ ପଦବୀରୁ ଓହରିଥିବା ପତ୍ରରେ ଲିଖିତ ଅଛି।
ଉଲ୍ଲେଖଯୋଗ୍ୟ ଯେ, ଗତ କିଛି ଦିନ ହେବ ପରୀକ୍ଷା ପରିଚାଳନାରେ ବିଭ୍ରାଟ ଓ ଅନିୟମିତତାକୁ ନେଇ କକ୍ରୋଚ୍ ଜନତା ପାର୍ଟି (CJP) ଏବଂ ବିଭିନ୍ନ ଛାତ୍ର ସଂଗଠନ ପକ୍ଷରୁ ଶିକ୍ଷା ମନ୍ତ୍ରୀଙ୍କ ଇସ୍ତଫା ଦାବିରେ ଜୋରଦାର ଆନ୍ଦୋଳନ ଚାଲିଥିଲା। ପ୍ରଧାନଙ୍କ ଇସ୍ତଫା ସମ୍ପର୍କରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ପ୍ରତିକ୍ରିୟା ଆସିନାହିଁ।
Union Education Minister Dharmendra Pradhan Resigns/କେନ୍ଦ୍ର ଶିକ୍ଷା ମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ୍ତଫା.
