ହ୍ୱାଇଟ୍ ହାଉସ୍ରେ ଟ୍ରମ୍ପଙ୍କ ଦୀପାବଳି ଉତ୍ସବ: ଓଭାଲ୍ ଅଫିସ୍ରେ ଏକାଠି ହେଲେ ଭାରତୀୟ-ଆମେରିକୀୟ ପ୍ରମୁଖ ବ୍ୟକ୍ତିତ୍ୱ
ୱାଶିଂଟନ୍[News Inshot]: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସ୍ର ପ୍ରସିଦ୍ଧ ‘ଓଭାଲ୍ ଅଫିସ୍’ରେ ଧୂମଧାମ୍ରେ ଦୀପାବଳି ପାଳନ କରିଛନ୍ତି। ଏହି ବିଶେଷ ଅବସରରେ ଆମେରିକାରେ ରହୁଥିବା ଅନେକ ପ୍ରମୁଖ ଭାରତୀୟ-ଆମେରିକୀୟ ଶିଳ୍ପପତି, ପ୍ରଶାସନିକ ଅଧିକାରୀ ଏବଂ ଗଣ୍ୟମାନ୍ୟ ବ୍ୟକ୍ତି ସାମିଲ ହୋଇଥିଲେ।
ପ୍ରଥମେ ରାଷ୍ଟ୍ରପତି ଟ୍ରମ୍ପ ପାରମ୍ପରିକ ରୀତିନୀତି ଅନୁସାରେ ଦୀପ ପ୍ରଜ୍ୱଳନ କରି ବିଶ୍ୱବ୍ୟାପୀ ଦୀପାବଳି ପାଳନ କରୁଥିବା ଲୋକଙ୍କୁ ଶାନ୍ତି, ସମୃଦ୍ଧି ଓ ସୁସ୍ଥ ଜୀବନର ଶୁଭକାମନା ଜଣାଇଥିଲେ। ଉତ୍ସବ ଚାଲିଥିବା ସମୟରେ GOQii ର ପ୍ରତିଷ୍ଠାତା ବିଶାଳ ଗୋନ୍ଦଲ, ରାଷ୍ଟ୍ରପତି ଟ୍ରମ୍ପଙ୍କୁ ଏକ ‘ହନୁମାନ ଚାଳିଶା’ ଉପହାର ସ୍ୱରୂପ ଭେଟି ଦେଇଥିଲେ।
ଏହି କାର୍ଯ୍ୟକ୍ରମରେ ଜଣାଶୁଣା ସେଫ୍ ବିକାଶ ଖାନ୍ନା, ଏଫ୍ବିଆଇ (FBI) ନିର୍ଦ୍ଦେଶକ କାଶ ପଟେଲ, ଆମେରିକାରେ ଭାରତର ଆମ୍ବାସାଡର ବିନୟ ମୋହନ କ୍ୱାତ୍ରା, IBM ର ସିଇଓ ଅରବିନ୍ଦ କୃଷ୍ଣା ଏବଂ NIH ନିର୍ଦ୍ଦେଶକ ଜୟ ଭଟ୍ଟାଚାର୍ଯ୍ୟଙ୍କ ପରି ଅନେକ ଜଣାଶୁଣା ଚେହେରା ଉପସ୍ଥିତ ଥିଲେ।
ଉଲ୍ଲେଖଯୋଗ୍ୟ, ହ୍ୱାଇଟ୍ ହାଉସ୍ରେ ଦୀପାବଳି ପାଳନ କରିବାର ଏହି ପରମ୍ପରା ଦୀର୍ଘ ବର୍ଷରୁ ଚାଲିଆସୁଛି, ଯାହା ଭାରତ ଓ ଆମେରିକା ମଧ୍ୟରେ ଥିବା ସାଂସ୍କୃତିକ ଓ କୂଟନୈତିକ ସମ୍ପର୍କକୁ ଆହୁରି ମଜବୁତ୍ କରିଥାଏ।
