୨,୦୦୦ ଟଙ୍କାରୁ ଅଧିକ UPI ପେମେଣ୍ଟରେ ₹୫ ଶୁଳ୍କ: ପେଟ୍ରୋଲ ପମ୍ପ ମାଲିକଙ୍କ ନଗଦ କାରବାର ଚେତାବନୀ
ଗ୍ରାହକମାନଙ୍କ ପାଇଁ ପେଟ୍ରୋଲ ପମ୍ପରେ UPI ମାଧ୍ୟମରେ ତେଲ କିଣିବା ଆଗକୁ କଷ୍ଟକର ହୋଇପାରେ। ₹୨,୦୦୦ରୁ ଅଧିକ ଟଙ୍କାର Digital Payment ଉପରେ ₹୫ ମର୍ଚାଣ୍ଟ ଡିସକାଉଣ୍ଟ ରେଟ୍ (MDR) ଶୁଳ୍କ ଲାଗୁ କରିବାକୁ NPCI ନିଷ୍ପତ୍ତି ନେବା ପରେ, ସାରା ଦେଶର ପେଟ୍ରୋଲ ପମ୍ପ ଡିଲରମାନେ ଏହାକୁ କଡ଼ା ବିରୋଧ କରିଛନ୍ତି।
‘ଅଲ୍ ଇଣ୍ଡିଆ ପେଟ୍ରୋଲିୟମ୍ ଡିଲର୍ସ ଆସୋସିଏସନ୍’ (AIPDA) ଅନୁଯାୟୀ, ତେଲ ବିକ୍ରିରେ ସେମାନଙ୍କର କମିଶନ ଲିଟର ପିଛା ନିର୍ଦ୍ଦିଷ୍ଟ ଥାଏ। ଏପରି ସ୍ଥିତିରେ ପ୍ରତି ବଡ଼ ଟ୍ରାଞ୍ଜାକ୍ସନ୍ ଉପରେ ₹୫ ଲେଖାଏଁ ଶୁଳ୍କ କାଟିଲେ ସେମାନଙ୍କ ଉପରେ ପ୍ରତିଦିନ କୋଟି କୋଟି ଟଙ୍କାର ଅତିରିକ୍ତ ଆର୍ଥିକ ବୋଝ ପଡ଼ିବ।
ଡିଲରମାନେ ଅର୍ଥ ମନ୍ତ୍ରଣାଳୟ ନିକଟରେ ଦାବି କରିଛନ୍ତି ଯେ ତେଲ ବିକ୍ରି ଉପରୁ ଏହି ଶୁଳ୍କ ସମ୍ପୂର୍ଣ୍ଣ ଛାଡ଼ କରାଯାଉ। ଯଦି ଏହି ନିୟମ ପ୍ରତ୍ୟାହାର କରାନଯାଏ, ତେବେ ₹୨,୦୦୦ରୁ ଅଧିକ ଦେୟ ପାଇଁ କେବଳ ନଗଦ ଟଙ୍କା (Cash) ଗ୍ରହଣ କରିବାକୁ ବାଧ୍ୟ ହେବେ ବୋଲି ସେମାନେ ଚେତାବନୀ ଦେଇଛନ୍ତି।
